" Alikiba naomba wahurumie" - Ommy Dimpoz

 



Msanii Omari Nyembo a.k.a. Ommy Dimpoz ambaye sasa anafanya vyema na wimbo wake 'Yanje' ambao ameshirikiana  msanii Seyi Shay kutoka nchini Nigeria, amemuomba msanii Alikiba awahurumie.  

Ommy Dimpoz alisema hayo baada ya Alikiba kutangaza rasmi kuwa wimbo huo mpya wa Ommy Dimpoz ukifikisha watazamaji milioni tatu Youtube basi na yeye ataamsha dude na kuachia wimbo wake mpya baada ya 'Seduce Me' ambayo iliachiwa mwaka jana mwezi Agosti. 

Baada ya ahadi hiyo ya Alikiba ndipo alipokuja Ommy Dimpoz na kumuuliza Alikiba kama atatoa ngoma zote tano kwa wakati mmoja au ataanza kuachia moja moja, hii ni ishara kwamba tayari kuna nyimbo zaidi ya tano kutoka wa Alikiba ambazo zipo tayari kwa ajili ya kuachiwa. 

Aidha Msanii Alikiba akijibu moja ya swali kutoka kwa shabiki yake kupitia mtandao wa jamii ambaye alitaka kufahamu kuwa hilo dude ataliamsha lini ndipo alipojibu kuwa anawapa siku 10 tu baada ya hapo anaweza kuachia wimbo wake huo mpya.

DOWLOAD APP YA MTILAH BLOG KWENYE SIMU YAKO ILI KUPATA HABARI ZETU ZOTE KWA HARAKA NA RAHISI ZAIDI,BONYEZA HAPA