Full-Width Version (true/false)


Aliyetoroka kwa madai ya kuua mke, mtoto akamatwa


 


Tabora. Mkazi wa Kijiji cha Malema wilayani Uyui mkoani Tabora, anashikiliwa na polisi kwa tuhuma za kumuua mke wake na mtoto kwa kuwachoma na kitu chenye ncha kali kutokana na wivu wa mapenzi.
Kamanda wa Polisi Mkoa wa Tabora, Wilbroad Mutafungwa alisema jana kuwa mtuhumiwa huyo aliyetenda kosa hilo Mei 15 na kutokomea kusikojulikana alikamatwa juzi katika Kijiji cha Tura wilayani Uyui.
“Baada ya kuwaona askari polisi, mtuhumiwa alijaribu kujiua kwa kujichoma tumboni kwa kisu lakini alikimbizwa katika Hospitali ya Rufaa ya Mkoa wa Tabora ya Kitete ambako anaendelea na matibabu akiwa chini ya ulinzi na hali yake inaendelea vizuri,” alisema Kamanda Mtafungwa.
Akizungumzia tukio la mauaji, alisema Mei 15, mtuhumiwa akiwa na nia ovu alimvizia mke wake, Moshi Daud (24) na mwanaye Mohamed Matonya (mwaka mmoja) wakiwa wamelala na kuwaua kwa kuwachoma na kitu chenye ncha kali.
“Inadaiwa mtuhumiwa alikuwa akimhisi mkewe kuwa na uhusiano wa kimapenzi na mmoja wa mashemeji zake,” alisema Kamanda Mutafungwa.
Mkoa wa Tabora umekuwa na matukio kadhaa ya mauaji mengi chanzo chake kikuu ikidaiwa kuwa ni wivu wa kimapenzi, imani za ushirikina, kulipiza kisasi na ujambazi.
     

No comments

Powered by Blogger.