Full-Width Version (true/false)


Sababu ya Matheo Anthony kutaka kuondoka Yanga hii hapa...




Mshambuliaji wa Yanga, Matheo Antony ameonyesha hali ya kujiondoa kikosini hapo akitaka timu yake impe ruhusa ya kuchagua timu ili aende kucheza hata kwa mkopo ili aonyeshe ubora wake.
 

Matheo amedumu Yanga kwa zaidi ya misimu minne huku akiandamwa na majeraha yaliyomfanya kukosa namba katika kikosi cha kwanza cha timu hiyo kilichoshika nafasi ya tatu katika msimamo wa ligi.
 

Matheo alisema kuwa mkataba wake na Yanga unatarajia kumalizika mwishoni mwa msimu ujao, hivyo kwa kuwa bado ni mchezaji halali wa Yanga angependa apewe nafasi ya kucheza hata kwa mkopo katika timu nyingine ili akaonyeshe uwezo wake zaidi.
 

“Natamani sana katika usajili huu viongozi wangu wanipe nafasi ya kujaribu kucheza nje ya kikosi changu hata kwa mkopo ili nikaangalie changamoto mpya kwani yawezekana hapa nakosa nafasi kutokana na kuwepo kwa mastraika wengi wazuri.
 

“Nasubiria watakapoanza tu kusajili niombe hilo kama nitakubaliwa basi ningependa zaidi niende Lipuli FC ya Iringa, kwani pale naamini nina uwezo mkubwa wa kupata nafasi hasa ukilinganisha washambuliaji wake wengi naona wana uwezo kama wangu tu,” alisema Matheo.

No comments

Powered by Blogger.