Full-Width Version (true/false)


Tanzania imetajwa kuwa na kiwango cha chini cha watu kunywa maziwa



Nchi ya Tanzania imetajwa kuwa na kiwango cha chini cha unywaji wa maziwa miongoni mwa nchi za Afrika Mashariki, ambapo mtu mmoja hunywa lita 47 kwa mwaka, japokuwa wana Ng'ombe zaidi ya milioni 30.5.

Akizungumza leo Jijini Arusha Makamu Mwenyekiti wa Bodi ya Maziwa Tanzania, Lucas Malunde, amesema unywaji huo ni mdogo ukilinganisha na nchi ya Kenya ambayo kila mtu hunywa lita 110 hadi 111 kwa mwaka.

"Kwa sasa Tanzania inazalisha lita bilioni 2.4 za maziwa kwa mwaka, kiwango ambacho kidogo ukilinganisha na idadi kubwa ya ng'ombe waliopo", amesema Malunde.

Aidha, Malunde amefafanua kuwa licha ya Tanzania kuwa na ng'ombe wengi lakini kati yao ng'ombe milioni 27 hufugwa kienyeji na milioni moja ndiyo hufugwa kisasa na kuleta tija ndogo katika uzalishaji mzuri wa maziwa.

Shirika la Chakula na Kilimo la Umoja wa Mataifa (FAO), linamtaka kila mtu kwa afya angalau anywe lita 200 za maziwa kwa mwaka.

Kwa upande mwingine, maonesho ya kimataifa ya kilimo na maadhimisho ya 21 ya wiki ya maziwa yanayofanyika kitaifa mkoani Arusha.

No comments

Powered by Blogger.