Majambazi yampora Sh39 milioni mfanyabiashara wa ng’ombe

Watu watano wanaosadikiwa ni majambazi, wamevamia nyumba ya mfanyabiashara wa ng’ombe mkoani hapa, Gwaya Ramadhan na kumpora Sh39.8 milioni. 

Majambazi hayo yakiwa wamefunika sura zao na vitambaa vyeusi huku wakiwa na silaha zinazodaiwa kuwa SMG, walimvamia mfanyabiashara huyo nyumbani kwake mtaa wa Mwayunge, kata ya Igunga Mjini wilayani Igunga Juni 2. Kamanda wa polisi mkoa wa Tabora, Wilbrod Mutafungwa alisema polisi wanaendelea kuyasaka majambazi hayo na kuwataka wananchi kutoa ushirikiano watakapopata taarifa yalipo. 

Akizungumzia tukio hilo, Ramadhan alisema lilitokea Jumamosi saa 1:00 jioni wakati akifuturu na familia nyumbani kwake. 

Ramadhan alisema majambazi hayo baada ya kufika nyumbani yaligawanyika sehemu tatu; moja lilibaki getini, jingine lilimteka mmoja wa mtoto wake ili alionyeshe sehemu ya kuzimia taa huku jingine likimuamuru atoe fedha kwenye gari yake alipokuwa amezihifadhi.

DOWLOAD APP YA MTILAH BLOG KWENYE SIMU YAKO ILI KUPATA HABARI ZETU ZOTE KWA HARAKA NA RAHISI ZAIDI,BONYEZA HAPA