Full-Width Version (true/false)


Modric ampeleka Neymar Real Madrid

 


Kiungo Luka Modric amemwambia Neymar anasubiri kwa hamu kubwa huko Real Madrid wakati wawili hao walipokutana kwenye mechi ya kirafiki baina ya timu zao za taifa Brazil na Croatia juzi Jumapili uwanjani Anfield jijini Liverpool, England. 

Mwanasoka huyo ghali duniani, Neymar kwa muda mrefu amekuwa akiripotiwa ana mpango wa kuihama timu yake ya Paris Saint-Germain na kutimkia Real Madrid na Mbrazili huyo haonekani kupuuzia hicho kinachozungumzwa. 

Hiyo juzi, Neymar alicheza kwa mara ya kwanza baad ya kuwa nje kwa siku 99 na haraka sana akafunga bao kuisaidia Brazili kuichapa Croatia 2-0. Baada ya mechi, Neymar na Modric walikutana kwenye kolido za Uwanja wa Anfield na kila mmoja akiwa anasaini jezi ya mwenzake, kiungo wa Madrid na Croatia, Luka alimwambia Neymar: "Tunakusubiri." 

PSG ilivunja rekodi ya dunia wakati ilipolipa Pauni 198 milioni kunasa huduma ya Neymar kwenye majira ya kiangazi mwaka jana akitokea Barcelona na sasa Madrid inataka kumrudisha kwenye La Liga msimu ujao. 

Mpango wa Madrid ni kufanya usajili wa mastaa wa maana licha ya kupigwa na butwaa kufuatia aliyekuwa kocha wake Zinedine Zidane kuachana na timu hiyo.

No comments

Powered by Blogger.