Full-Width Version (true/false)


Simba, Yanga wakinukisha Kenya

 

Simba na Yanga zimeanza mazoezi ya nguvu nchini Kenya katika maandalizi yao ya kujiandaa na mashindano ya SportPesa Super Cup yanayotarajiwa kuanza Jumapili mjini Nakuru. 

Katika mazoezi hayo Simba ilimtambulisha mshambuliaji mpya Marcel Kaheza waliyesajili kutoka Majimaji, wakati Yanga mkongwe Amiss Tambwe amerejea kikosini tayari kwa mashindano hayo. 

Ratiba ya mashindano hayo inaonyesha Yanga itakata utepe Juni 3 dhidi ya KK Home Boys e kwenye Uwanja wa Afraha, mjini Nakuru endapo itashinda mchezo huo wa mtoano, itasubiri mshindi wa mechi kati ya Simba na K Sharks utakaopigwa Juni 4.  

Kama Simba na Yanga zote zitashinda mechi zao za kwanza zitakutana katika mchezo wa nusu fainali utakaopigwa Juni 7 nchini humo. 

Timu zingine za Tanzania zinazochuana ni JKU ya Zanzibar ambayo itacheza mechi yake ya kwanza na bingwa mtetezi, Gor Mahia hapo Juni 4, wakati Singida United yenyewe itavaana na AFC Leopards. Mtanange wa fainali utapigwa Jumapili ya Juni 10, kuanzia saa tisa alasiri. 

 Kabla ya mechi hiyo, kutakuwa na mchezo wa kusaka mshindi wa tatu utakaorindima kuanzia saa sita mchana. 

Bingwa wa mashindano hayo atajinyakulia kitita cha dola 30,000 pamoja na kupata tiketi ya kwenda kucheza mechi ya kirafiki ya kimataifa dhidi ya Everton nchini England.

No comments

Powered by Blogger.