Straika ajiapiza Simba

 

Straika wa Simba, Marcel Kaheza 'Rivaldo' amesema, mpango wake ni kuona anaitendea haki jezi namba 10 aliyopewa ndani ya kikosi hicho. Kaheza tangu ametua ndani ya timu hiyo amekabidhiwa jezi namba 10 ambayo ilikuwa inavaliwa na Juma Luizio aliyemalizana na Simba na akaichezea katika michuano ya SportPesa iliyofanyika nchini Kenya na Wekundu hao kumaliza kwenye nafasi ya pili. 

Amesema: "Kama unavyojua jezi hii huwa ni nzito mara nyingi inavaliwa na watu wazito hivyo nitapambana kadri ya uwezo wangu kuona naitendea haki kwa kufanya vizuri Simba." "Binafsi huwa napenda sana kuitumia jezi hii kwa miaka mingi tangu nianze kucheza ni kipindi kirefu sasa na ilikuwa ikitumiwa na mchezaji ambaye nampenda zaidi Rivaldo,"amesema Kaheza. Rivaldo ni mchezaji na nahodha wa zamani wa timu ya Brazil.

DOWLOAD APP YA MTILAH BLOG KWENYE SIMU YAKO ILI KUPATA HABARI ZETU ZOTE KWA HARAKA NA RAHISI ZAIDI,BONYEZA HAPA