Full-Width Version (true/false)


Serikali yakanusha kuhusu waasi wanaotaka kumpindua Kagame


Mamlaka nchini Rwanda zimetupilia mbali uvumi kuhusu kuwepo ukosefu wa usalama maeneo yanayozunguka msitu wa Nyungwe, ambapo kundi jipya la waasi wa MRCD linalodai kuwa linataka kuangusha uongozi wa Rais Paul Kageme linasemekana kuwa na ngome yake.

Akiongea na wenyeji wa wilaya wa Nyaruguru, inspekta mkuu wa polisi Emmanuel Gasana alisema kuwa licha ya majambazi wachache kuvuka na kuingia Rwanda na kuwapora watu eneo moja la Nyaruguru hali hiyo ilikuwa imeshughulikiwa vilivyo na vikosi vya usalama na majambazi hao kukimbilia eneo walitoka.

Kundi la MRCD (Rwanda Democratic Movement for Change) limetangaza rasmi uasi dhidi ya serikali ya Rwanda. Msemaji wa kundi hilo meja Callixte Sankara ameiambia BBC kwamba ni mwezi mzima sasa tangu majeshi ya kundi lake yakipigana na majeshi ya Rwanda katika msitu wa Nyungwe kusini mwa nchi hiyo ,na kwamba majeshi yao yamehusika katika mashambulizi ya mwezi uliopita katika kijiji cha Nyabimata karibu na msitu huo.

Ni machache yanayojulikana kuhusu Callixte Sankara, mtu aliyejitangaza kama naibu kamanda na msemaji wa kundi jipya la waasi la Rwanda Movement for Democratic Change.

Meja Callixte Sankara, kama avyojitambulisha kwa vyombo vya habari, ni mwanajeshi aliyekuwa mshirika wa karibu wa rais Paul kagame kwenye kundi la Rwanda Patriotic Front (RPF) katika harakati za kupigania ukombozi.

Alikuwa askari mwenye cheo cha chini baada ya RPF kushinda vita vya msituni na kuchukuwa hatamu za uongozi kufuatia baada ya kifo cha rais Juvenal Hybiamamana kwenye shambulzi la ndege.

Haijulikani kwanini Meja Sankara alikosana na utawala wa kagame, lakini alifungwa jela na mahakama ya kijeshi kwa kipindi kisichojulikana kutokana na kile kilichotajwa kama utovu wa nidhamu.

No comments

Powered by Blogger.